OUDTSHOORN NUUSFLITS - Oudtshoorn se watersake lyk vir die huidige rooskleurig.
Dis hoe Chris Koch, die waarnemende direkteur van die munisipaliteit se tegniese dienste die dorp se watersituasie opsom.
“Dit gaan goed met die dorp se water,” sê Koch. “Die Raubenheimerdam is tans 71% vol, De Rust se watertekort is onder beheer met dié dat die nuwe groot reservoir vir die eerste keer heeltemal vol is.”
Fondse vir die ondersoek na en uitbreiding van die grootmaat-watervoorsiening aan De Rust is reeds deur die Wes-Kaap se department van plaaslike regering bewillig en sal vroeg in die finansiële jaar oorgeplaas word sodat die projek afgehandel kan wees voor die hoë gebruiksperiode in die somermaande.”
Daarbenewens is drie addisionele waterbronne vir Dysselsdorp reeds identifiseer en werk sal voor die einde van Julie 2016 ’n aanvang neem na die aanstelling van die diensverskaffer.
“Fondse is reeds deur die Wes-Kaapse regering bewillig en oorbetaal. Die bronne sluit onder meer die moontlike heringebruikneming van ’n bestaande boorgat in,” se Koch.
Lees meer in Vrydag se Oudtshoorn Courant, asook aanlyn.
'Ons bring jou die nuutste Oudtshoorn, Klein Karoo nuus'
