Sterk polisie-teenwoordigheid by borgtogaansoek

Update Video

OUDTSHOORN NUUSFLITS EN VIDEO - Vandag se borgtogaansoek van Magdaleen Titus, Natasha Stuurman en Justice Mooi in verband met die moord op Preston Titus, gaan gepaard met 'n groot polisie-teenwoordigheid en streng toegangsbeheer by die hof.

Twintig lede van die Openbare Orde Polisiëringseenheid met vier voertuie sowel as verskeie plaaslike polisielede is by die hof aan diens.

'n Beperkete aantal belanghebbenes word in die hof toegelaat.

Die pad voor die hof is as voorsorgmaatreël gesluit.

In 'n Facebookplasing van Sam Coetzee die afgelope naweek, waarsku hy dat daar moontlike wanorde voor die hof sal uitbreek indien borgtog toegestaan word.

Dit blyk egter dat bitter min mense met hom saamstem en hy is ook in verskeie kommentare op Facebook tereggewys.

Soos gewoonlik, is die groep mense voor die hof rustig. Behalwe vir die groep wat borgtog teenstaan is daar ook 'n groepie wat voel dat borgtog geregverdig sal wees.

Die twee groepe is egter glad nie antagonisties teenoor mekaar nie.