OUDTSHOORN NUUS - Haroline Rhodes is aangewys as Union Stars-krieketklub se speler van die jaar.
Dié belowende krieketspeler het goue oomblikke beleef tydens Union Stars-krieketklub se jaarlikse prysuitdeling. Behalwe dat sy met die spogtrofee van die jaar weggestap het, is sy ook aangewys as die beste bouler en beste kolwer vir die klub se vrouespan.
Sy het 'n traan gepik toe SWD-krieket se lewenslange erepresident, Simon Swigelaar, die wisseltrofee vir die uitblinker van die jaar ook aan haar oorhandig het.
Dit is die eerste keer dat die trofee aan 'n speler van die klub oorhandig word en dit staan bekend as die Simon en Daphne Swigelaar-wisseltrofee.
- Shaun-Dee Meyer: Beste bouler en beste kolwer.
- Katrisha Strydom: Beste administrateur.
- Francois Barnard: Beste kolwer.
- Emile Titus: Beste bouler.
- Leroi Bredenkamp: Beste kolwer - T20 span.
- Herschelle America: Beste bouler - T20 span.
- Leroi Bredenkamp: A-span se beste kolwer.
- Reagan Booysen en Herschelle America: Beste Boulers - A span.
- Reagan Rhode, Belowendste speler van die seisoen.
Michelle Weyers, voorsitter van Union Stars-krieketklub en aan die spelers, administrateurs en gaste gesê: "Alhoewel ons reeds suksesvol is, is daar nog baie waaraan ons kan werk om te verbeter. Ons is nooit perfek nie en moet altyd strewe na beter."
Weyers het die klub se naam as 'n handelsmerk beskryf. "Ons moet hierdie handelsmerk verder as net Oudtshoorn en die SWD bemark. Ons moet nasionaal strewe. Ons het die talent." Sy het spelers gemaan om na die groter prentjie as net hulself te kyk."
In haar afsluiting het sy gesê: "In the spirit of Ubuntu - I am because of all of us."
'Ons bring jou die nuutste Oudtshoorn, Klein Karoo nuus'
