Breaking News
OUDTSHOORN NUUS - Die Raubenheimerdam se watervlak is vanoggend, Maandag 26 Januarie op 64,53% gemeet.
Die gemiddelde watergebruik oor die afgelope week was 19,7 megaliter per dag.
Johan Allers, burgemeester, Oudtshoorn-munisipaliteit het bevestig dat vlak 2-waterbeperkings vir Oudtshoorn met onmiddellike effek in werking tree. ”Vlak-2 word geaktiveer op ’n watermeting van 51% - 65%.”
Die Boete vir nie-nakoming is R1 000.
Geskeduleerde waterloslatings vir oewer-eienaars uit die Raubenheimerdam het reeds in Desember begin en sal teen einde Februarie 2026 afhandel.
Dit dra daartoe by dat die damvlak vinniger daal as onder normale omstandighede.
Vlak 2-waterbeperkings behels die volgende:
Daaglikse watergebruik-teiken:
- 100 liter per persoon per dag
- Privaat motorwas: slegs met emmer
- Kommersiële motorwasserye: slegs met toestemming
- Swembaddens: toegelaat, maar moet bedek wees
- Fonteine: nie toegelaat nie
- Tuinbesproeiing: Twee dae per week (maksimum 6 uur per dag)
- Sportvelde: nie toegelaat nie
- Plaveiselwas: nie toegelaat nie
- Dakreiniging en konstruksiewerk: toestemming vereis
Dysselsdorp
Waterontrekkings uit boorgate geskied volgens aanbevole onttrekkingsvolumes en die boorgatwatervlakke is tans stabiel. Die beskikbare lewering en huidige verbruik is egter bykans gelyk, wat beteken dat waterverbruik noodwendig verder verminder moet word.
Inwoners van Dysselsdorp en die Klein Karoo Landelike Watervoorsieningskema (KKLWVS) word herinner dat streng vlak 6-waterbeperkings steeds van krag is.
Watertenkers word veral in die hoogliggende dele van Dysselsdorp aangewend wanneer dit nodig is.
De Rust
Die Huisrivier se vloei is tans baie swak. Aanvulling geskied vir ’n gedeelte van die dag vanuit die Klein Karoo Landelike Watervoorsieningskema, terwyl twee watertenkers ook gebruik word om water aan inwoners te lewer.
Die toevoer van water na De Rust vanuit die Klein Karoo Landelike Watervoorsieningskema plaas egter beduidende druk op die beskikbare water vir Dysselsdorp en die KKLWVS.
Inwoners van De Rust word gevolglik daaraan herinner dat streng vlak 6-waterbeperkings steeds geld.
Vorige berigte:
- Damvlak daal met verdere 3%
- Damvlakke daal steeds
- Warm in Karoo, waterbronne geraak
- Waterkrisis in Kannaland
- Min reen voorspel watertekort in streek
‘Ons bring jou die nuutste Tuinroete, Hessequa, Karoo nuus’
