OUDTSHOORN NUUS - Die drie voormalige DA-raadslede van Oudtshoorn, wat verlede maand uit hulle poste bedank het, gaan as onafhanklike kandidate probeer om hulle raadsposte weer te verower.
Hulle moet egter teen 15 ander kandidate van die ANC, DA, EFF, GOOD en nog drie onafhanklikes meeding vir hulle poste.
Altesame 18 kandidate het by die OVK geregistreer vir die tussenverkiesing in die drie wyke wat vakant geraak het toe Hendrik Ruiters, Ewa Fortuin en Nellie Soman verlede maand bedank het.
Die drie wyke waar kiesers op 8 (spesiale stemme) en 9 Desember hulle kruisies kan trek is wyk 4 en 5 (Bridgton) en wyk 10 (Dysselsdorp).
Die kandidate wat in die drie wyke by die OVK geregistreer het, is:
- ANC: Gillian Carolus, Naomi Jonkers en Booi Berry.
- DA: Fielies September, Jacqueline Meyer en Robin Benjamin Bosman.
- EFF: Cyril Moyene, Robin Jullies en Zanelizwi Rala
- GOOD: Miriam Smith, Carline Konstabel en Ashwill Oktober.
- Onafhanklik: Adriaan van Niekerk, Hendrik Ruiters, William Bezuidenhout, Nellie Soman, Ewa Fortuin en Mlandeli Nyuka.
'Ons bring jou die nuutste Oudtshoorn, Klein Karoo nuus'
