OUDTSHOORN NUUS - Polisiëring in Bongolethu en Bridgton kry eersdaags 'n hupstoot as die twee stasies van kontakstasies na satelietstaties opgradeer word.
Na 'n lewensvatbaarheidstudie het die provinsiale kommesaris van polisie goedkeuring gegee dat die twee stasies vanaf 2 November satelietstasies sal wees.
Dit beteken dat polisielede nie meer vir skofte by die Outshoorn stasie moet aanmeld voordat hulle by die twee stasies gaan diens doen nie. Elk van die twee stasies kry ook nou 'n bevelvoerder en addisionele mannekrag. Die voordeel aan die gemeenskap is dat bykomstige personeel nou aan die stasies toegeken kan word waar hulle as kontakstasies nie vir aanvullende lede gekwalifiseer het nie.
Lede van die gemeenskap word uitgenooi om die amptelike opening van die twee stasies op 2 November om 09:00 by die Bridgton sportgronde by te woon.
Die adjunk minister van polisie, Me M Sotyu en die Wes-Kaapse kommesaris van polisie lt.genl Khombikosi Elvis Jula sal die verrigtinge bywoon.
'Ons bring jou die nuutste Oudtshoorn, Klein Karoo nuus'
