OUDTSHOORN NUUS - Oudtshoorn-rugbyklub se eerste span het Saterdag in 'n indrukwekkende vertoning met 43 - 11 teen die All Blacks geseëvier.
Die eerste span het sterk vertoon en hul oorwinning met 'n oortuigende vertoning beklink.
In die tweede spanne se kragmeting was dit 'n veel nouer stryd, met die All Blacks wat met 19 - 16 as wenners uit die stryd getree het.
Die derde spanne het ook sake uitgespook, met die All Blacks wat met 16 - 7 gewen het.
Volgens Harry Coetzee, hoofafrigter van Oudtshoorn, is die span se volgende twee wedstryde egter van kardinale belang.
"Ons speel die naweek teen Eagle Stars en die volgende naweek teen Riversdal Blues. Dit is bepalende wedstryde wat ons van die Challenger Cup-liga na die Premierliga kan neem," het Coetzee gesê.
Die oortuigende oorwinning teen die All Blacks gee Oudtshoorn se eerste span goeie momentum voor dié twee belangrike kragmetings.
Die klub het sy spelers met hul vertoning gelukgewens en die afrigters, bestuur en ondersteuners bedank vir hul ondersteuning.
‘Ons bring jou die nuutste Tuinroete, Hessequa, Karoo nuus’
