SUID-KAAP NUUS - Die voorsitters van 27 sportfederasies in die Eden (SWD)-distrik glimlag breed na die departement van kultuursake en sport verlede Woensdag die jaarlikse tjek-oorhandigingseremonie in George aangebied het.
Die departement van kultuursake en sport is ook by die geleentheid geloof vir die feit dat
hierdie uitbetalings binne sewe werksdae na die Wes-Kaapse minister van kultuursake en sport, Theuns Botha, sy begrotingsrede in die Wetgewer gelewer het, gemaak is. In sy toespraak het die minister dit ook benadruk dat finansiering oordeelkundig gebruik moet word.
Om minister Botha welkom te heet in sy Hinterland (hy is van Riversdal afkomstig) het die Eden-sportraad 'n Eden-sportraad-das aan hom oorhandig.
Tydens die geleentheid is sportapparaat ook aan deelnemende sportfederasies van die DKES se Klubontwikkelingsprogram en aan die Eden-sportraad se finaliste wat nie die Wes-Kaapse sporttoekenningsgeleentheid kon bywoon nie, oorhandig.
- Dave van der Walt is die waarnemende se-kretaris van die Eden-sportraad.
Verteenwoordigers van al die federasies wat tjeks en ondersteuning van die departement ontvang het.
Godfrey McCallum ontvang `n tjek namens Eden-tweekamp van minister Theuns Botha. Foto's: Dave van der Walt.
ARTIKEL EN FOTO'S: DAVE VAN DER WALT, EDEN-SPORTRAAD.
'Ons bring jou die nuutste Tuinroete, Klein-Karoo, Hessequa nuus'
