OUDTSHOORN NUUS - Oudtshoorn se presteerders in verskillende sportkodes gaan deur die dorp se uitvoerende burgemeester, Colan Sylvester vereer word.
Sylvester sal op Donderdag 24 November tydens 'n groter Oudtshoorn-burgemeestersgala-aand in die banketsaal toekennings aan die sportlui oorhandig.
"Die sporttoekennings is 'n platvorm om ons dankbaarheid te toon en om individue en spanne aan te moedig om te presteer en erkenning te gee aan die wat gedurende 2016 uitgeblink het in die sportwêreld," het Sylvester gesê.
"Sport het vir baie dekades homself bewys as 'n sleutel rolspeler en 'n instrument om gemeenskappe te verenig reg oor die wêreld. Dit ontwikkel die jeug en bevorder 'n gesonde lewenstyl. Vandaar die belangrikheid om rolspelers erken."
Die jaarlikse geleentheid word deur die Oudtshoorn-munisipaliteit, in samewerking met die Oudtshoorn-sportraad en die Wes-Kaapse departement van kultuursake en sport aangebied.
- Ererol: Johan Ignatius van Rooyen.
- Getroue diens: Corné Bence.
- Sportvrou met gestremdheid: Vicky Scheepers, Candice Witbooi, Izine Hufke.
- Sportman met gestremdheid: Gerrit Hendriks, Ronaldo Jansen, Phillo Verlaat.
- Laerskole sportvrou: Keysha Kortje, Morisha Carelse, Kayla Steyn, Laraschelle Vyver.
- Laerskole sportman: Antonio Bruiners, Morné Els, Javian Jahson Murphy, Liam Hooper.
- Laerskole afrigter: Alicia Booysen.
- Laerskole sportspan: Van Reede trompoppies, Sacred Heart trompoppies.
- Hoërskole sportvrou: Annique Wolmarans, Miceala Andrews.
- Hoërskole sportman: Johan Muller, Xhantilomzi Nokoyo.
- Hoërskole sportspan: Oudtshoorn Hoërskool rugby o.19A, Langenhoven Gimnasium eerste krieketspan - o.19.
- Hoërskole afrigter: Ansley Stix Theunissen, Stefan Joubert.
- Junior sportvrou: Lynique Blaauw, Charné Byleveld.
- Junior sportman: Duwayne Gertze, Jaco Saayman, Louis Visser.
- Senior sportadministrateur: Jurgen Coetzee, Corné Botha.
- Senior afrigter: Lionel Prinsloo, Ranger Grebe, Lo- anne Oosthuizen.
- Senior sportvrou: Aletta (Toy) Ungerer, Christine van Collar, Anel van Wyk, Jessica Gerber.
- Senior sportman: Mike Lombaard, Karl Freeks, Etiene Plaatjies, Dawid Blom.
'Ons bring jou die nuutste Oudtshoorn, Klein Karoo nuus'
