Update
OUDTSHOORN NUUSFLITS - Natasha Stuurman, een van die verdagtes in die Preston Titus-moordsaak is vandag borgtog van R15 000 toegestaan.
Sy is op 19 Januarie saam met Preston se vrou, Magdaleen Titus, vir die moord in hegtenis geneem.
Titus is egter borgtog geweier.
Landdros The-Olén November het gesê dit is in belang van geregtigheid dat Stuurman op borgtog vrygelaat word. Hy het erken dat die staat wel 'n prima facie saak teen haar het en dat die hof bewus is van die feit dat die ander beskuldigdes borgtog geweier is, maar het gesê dat elke saak op sy eie meriete beoordeel moet word.
Hy het verder gesê dat hy wel die gemeenskap se belang in die saak in ag neem, maar dat die hof hom nie deur die gemeenskap gaan laat voorsê nie.
November het gesê dat Stuurman vanaf 13 April elke Maandag en Vrydag by Bongolethu se polisiestasie moet aanmeld en nie met staatsgetuies mag inmeng nie.
Lees die volledige berig in Vrydag se Oudtshoorn Courant, asook aanlyn.
Lees vorige artikels:
- Stuurman doen aansoek om borg
- Weermagmoord: Natasha Stuurman-borgtogaansoek vandag
- Weermagmoord: Borgtog geweier
- Weermagmoord: Geen borg vir Magdaleen Titus
- Opvolg: Magdaleen Titus-borgtogaansoek
- Borgtogaansoek steeds aan die gang
- Weermagmoord: Gerugte oor arrestasie onwaar
- Polisgeld dalk moordmotief
- ANC skors Magdaleen Titus tydelik
- Opvolg: Magdaleen Titus-borgtogaansoek
- Weermagmoord: Borgtogaansoek duur voort
'Ons bring jou die nuutste Oudtshoorn, Klein Karoo nuus'
