OUDTSHOORN TENNISNUUS - Die eerste- en tweedeliga mansspanne van die Wesbank-tennisklub het Saterdag albei tweede viool in hul wedstryde in die ligakompetisie van die Eden-tennisvereniging gespeel.
Die A-span het in 'n spannende wedstryd waarin veral die jong spelers vir puik tennis gesorg het, met 2-3 teen Great se B-span verloor. Wesbank se B-span met 1-4 teen George in die stof gebyt.
In die wedstryd tussen Wesbank se A-span en Great se B-span was dit die twee Petzer-broers, Marcelle (18) en Zander (14), wat uitgeblink het. Marcelle het in die eerste enkelspel vir Max Stam met 4-6, 6-4 en 10-2 geklop en saam met Zander ook hul dubbelspel gewen deur vir Stam en Johan Naude met 6-2, 6-1 te uitoorlê.
Die 14-jarige Zander Pienaar het ook goed van homself rekenskap gegee en net-net sy enkelspel teen Louis Bierman met 4-6, 4-6 verloor.
Die eersteliga-mansspanne van Great en Wesbank. Voor ,van links, is Chris Searles (kaptein), Louis Bierman, Johan Naude en Max Stam van Great. Agter: Zander Petzer, Louis Pienaar, Marcelle Petzer en Dirk Potgieter (kaptein) van Wesbank. Foto: Garnett Wicomb
'Ons bring jou die nuutste Oudtshoorn, Klein Karoo nuus'
