OUDTSHOORN NUUS - Altesaam 50 deelnemers het Dinsdag-middag aan die jaarlikse Valentynsdag-pretloop deelgeneem wat by Wesbank-tennisklub weggespring het.
Die atlete se opsies was of die 3 km of 5 km, wat hulle kon stap of draf.
Die kleredrag was oudergewoonte rooi en wit soos tradisionele Valentynsvoorskrifte met pryse wat na die pretloop uitgedeel is vir bes geklede atleet onder andere asook gelukstrekkings.
Die organiseerder, Lampies Lamprecht, het die dag as 'n groot sukses beskryf en Nedbank bedank wat die dag geborg het.
Lampies Lamprecht (regs) deel pryse uit vir bes gekleede deelnemers. Foto's: Wyndham Ewerts
'Ons bring jou die nuutste Oudtshoorn, Klein Karoo nuus'
