OUDTSHOORN RUGBYNUUS - Bridgton-rugbyklub se A-span het Saterdag op die Oudtshoorn-sportterrein Mosselbaai Barbarians in 'n naelbyt SWD MicFin premierligawedstryd met 40-34 geklop nadat hulle teen halftyd met 23-17 voorgeloop het.
Dié span, wat tans 'n middelmatige seisoen beleef, het tot dusver vyf uit 11 wedstryde gewen.
Hierdie oorwinnings sluit Maoris, Silver Stars, Progress, Jaguars en Barbarians in. Die tweede ronde van die toernooi skop volgende week af.
Vir Bridgton het Aden Murphy (agsteman), Jesvin Booysen (slot), en Ganfried May (vleuel) elk een drie gedruk. Graham September (skrumskakel) het 'n driekuns behaal.
Keanen Esau was suksesvol met twee doelskoppe en twee strafskoppe.
Bridgton-rugbyklub se volgende wedstryd is 22 Junie teen Progress in George.
'Ons bring jou die nuutste Oudtshoorn, Klein Karoo nuus'
