OUDTSHOORN RUGBY NUUS - Bridgton-rugbyklub het in 'n SWD Premierligawedstryd in George vir Blanco in 'n naelbytstryd met 28-23 gewen.

Bradwin Wanies (heelagter), Anrich Daniels (regtervleuel) en Algernon Waarts (plaasvervanger), is vir die wenspan oor vir drieë.

Gino van Vuuren (losskakel), slaag met 'n doelskop en drie strafdoele. Wanies was suksesvol met 'n doelskop.

Bridgton se tweede span het vir groot opwinding gesorg toe hulle hul eweknie, Progress, met 61-26 kleedkamers toe gestuur het.

Kurt Rhoode (regtervleuel), Levano Nathan (binnesenter), Autrigh Tiemie (linkervleuel), Thiron Stoffels (losskakel), Envor Jackson en Gregory Agulhas (flanke), Romano Ewerts (slot) en plaasvervangers, Carlos Jansen en Andre Fielies het almal vir Bridgton drieë gaan druk.

Thiron Stoffels (losskakel) slaag met 8 doelskoppe.

Blanco se derde span het Bridgton met 16-13 gewen.

'Ons bring jou die nuutste Oudtshoorn, Klein Karoo nuus'