OUDTSHOORN NUUSFLITS - Bridgton-rugbyklub het net hulself te blameer vir 'n 25-27 verloor teen Evergreens van George.
Die twee spanne het Saterdag 2 Junie op die Plate, Oudtshoorn, in 'n SWD-Premierligawedstryd gespeel.
Bridgton se voor- en agterspelers het skitterende spel opgelewer en vier drieë teenoor Evergreens se drie drieë gaan druk. Dit was egter Bridgton se skopwerk wat hulle die wedstryd gekos het. Waar Evergreens met vyf skoppe geslaag het, drie doelskoppe en twee strafdoele, kon Bridgton slegs een van hulle drieë verdoel en nog 'n strafdoel oorskop.
Vir Bridgton het Ganfried May twee keer gaan druk, terwyl Mondile Stofile en Rhaul Lewis elk een met een drie geslaag het. André Venter het die een drie verdoel, met Adrian Booysen wat met 'n strafdoel suksesvol was.
Lees meer in Vrydag se Oudtshoorn Courant, asook aanlyn.
'Ons bring jou die nuutste Oudtshoorn, Klein Karoo nuus'
