OUDTSHOORN NUUS - Dertien studente van die Okinawa Goju Ryu-karateklub in Oudtshoorn het onlangs by die Suid- en Oos-Kaap Interstreek OGKK-kampioenskappe in George uitgestaan. 

Die jong karateka het hul vaardighede op die proef gestel en het saam 22 medaljes ingepalm.

Onder die medaljewenners was Esme van den Heever en Sion Tome wat albei goud en silwer verower het, terwyl Elbie Tome en Sachin Meyer onderskeidelik twee silwer en 'n kombinasie van silwer en brons ontvang het.

Ander deelnemers wat medaljes verower het, sluit in Melandri van Huyssteen (silwer), Eugenay Timmie (twee brons), Bradlee Le Grange (brons), Jason George (silwer), Lee Anne Herbst (goud en silwer), Kira Solomons (silwer), Marko Pretorius (silwer en brons), Azayah Spogter (goud en brons) en Hendrico van Stryp het ook brons gewen.

Sensei Lo-Anne Oosthuizen het die studente gelei en hul uitstekende prestasies by die kampioenskappe beklemtoon.

‘Ons bring jou die nuutste Tuinroete, Hessequa, Karoo nuus’