OUDTSHOORN NUUS - Die Oudtshoorn-jukskeiklub het tydens sy onlangse algemene jaarvergadering 'n nuwe bestuur vir die 2026/27-seisoen verkies, met 'n hernude fokus op groei, betrokkenheid en gemeenskapsamehorigheid.
Die nuwe bestuur bestaan uit:
- Hercules Kritzinger (voorsitter)
- Magda Davel (ondervoorsitter)
- Alwena Ellis (sekretaresse)
- Kinnie du Toit (tesourier)
- Andile Mgulwa en Bertus Nel is gewone bestuurslede.
Volgens die klub is jukskei veel meer as net 'n sport, maar eerder 'n gemeenskapsaktiwiteit wat mense van alle ouderdomme saambring en sosiale verbondenheid bevorder.
Die nuwe bestuur het hul verbintenis beklemtoon om 'n inklusiewe en verwelkomende klubomgewing te skep waar beide nuwe en bestaande spelers tuis kan voel.
"Ons wil hê die klub moet 'n plek wees waar mense kan ontspan, saam kuier en mekaar kan ondersteun. Ons wil ook geleenthede skep vir jonger spelers om in te skakel en vir ervare lede om hul kennis oor te dra."
Daar is verder planne om die klub se rol in die breër gemeenskap uit te brei deur plaaslike byeenkomste, ontwik-kelingsinisiatiewe en sosiale aktiwiteite aan te bied.
Die klub het ook die vorige bestuur bedank vir hul toewyding en die grondslag wat hulle vir toekomstige groei gelê het.
Die Oudtshoorn-jukskeiklub nooi alle belangstellendes, jonk en oud, om betrokke te raak en deel te word van die groeiende jukskeigemeenskap.
Vir meer inligting of om aan te sluit, kontak 060 997 5576.
‘Ons bring jou die nuutste Tuinroete, Hessequa, Karoo nuus’
