OUDTSHOORN SPORTNUUS - William van Tonder het Saterdag, 21 Oktober, nog 'n parkrun-oorwinning agter sy naam geskryf toe hy die 361ste Oudtshoorn-parkrun met 'n tyd van 18 minute 46 sekondes gewen het.
'n Besoeker, Michelle Botha, was tweede en was ook die vrouewenner.
Delia Niemand het aan haar 100ste parkrun deelgeneem.
Nog 'n besoeker, Lynette King van Kaapstad, het met haar eerste deelname in Oudtshoorn, haar 200ste parkrun voltooi. Daar was 47 deelnemers.
Die tien voorste drawwers:
- William van Tonder (18:46)
- Michelle Botha (24:42)
- Fanie Olivier (26:33)
- Albertus Kennedy (29:26)
- Frans Kalp (29:27)
- Melanie Fourie (30:36)
- Andre du Toit (30:37)
- Frans Joubert (32:35)
- Charlene Joubert (33:50)
- Isabel Rosch (34:14).
Delia Anne Niemand het verlede Saterdag die mypaal van 'n 100 parkruns bereik.
Andrew en Gail Davids van Zoar het verlede Saterdag vir die eerste keer aangetree vir 'n parkrun.
Voor in die middel is Lynette King saam met haar vriendinne. Foto's: Garnett Wicomb
‘We bring you the latest Garden Route, Hessequa, Karoo news’
