OUDTSHOORN GIMNASTIEK-NUUS - Twaalf gimnaste, verbonde aan Oudtshoorn Tuimel en Trampolien, het vanaf 1 tot 5 Oktober aan die SA Gimnastiekkampioenskappe in Pretoria deelgeneem.

Elke gimnas het aan die euro-trampolien-kategorie en dubbel mini-trampolien in hul ouderdomsgroepe deelgeneem.

Lumé de Koker het 'n derde plek in die dubbel-minitrampolien behaal, Callan du Plessis het eerste plek in die dubbel-minitrampolien behaal, Luhanne Westenraad het 'n tweede plek in die dubbel-minitrampolien losgespring, Mialese Westenraad het derde in die dubbel-minitrampolien gekom en Jandré Potgieter derde in die euro-trampolien.

Voor, van links: Lume de Koker, Callan du Plessis, Luhann Westenraad, Jandre Potgieter, Mialese Westenraad, Adele Joubert en Ane Fourie. Agter: Runicka Munro, Tamzin de Lange, De-anne Potgieter, Luka Stander en Adele Tereblanche.

'Ons bring jou die nuutste Oudtshoorn, Klein Karoo nuus'