WES-KAAP NUUS - Eden-toutrek is verlede naweek gekroon as die 2015 Wes-Kaapse kampioene en `n nasionale kampioenskapstitel word nou in die vooruitsig gestel.
Plaaslike toutrekkers het hul teenstanders van die Kaapse metropool en Wynland goed laat les opsê. Gesamentlik is 12 medaljes ingepalm tydens die byeenkoms wat verlede naweek by die 'Brakkenjan-velde', in Brackenfell aangebied is.
Eden se spanlede kom van Oudtshoorn, Ladismith, Riversdal, Mosselbaai en George. Die jongste lid, Catherine Jonker, is `n leerder aan Laerskool Wesbank.
Die Suid-Afrikaanse kampioenskappe word van 17 tot 19 Julie in die Strand aangebied.
Verlede naweek se uitslae:
- 600 kg Mans o.23: Goud en brons
- 580 kg Mans: Goud en brons
- 640 kg Mans: Goud
- 700 kg Mans: Silwer en brons
- 600 kg Gemeng (4 mans en 4 dames): Goud en brons
- 500 kg Dames o.23: Silwer
- 500 kg Dames: Silwer
- 540kg Dames: Silwer
600 kg Jeugspan wat goud verower het is agter, van links: Jerome Arendse (Wes-Kaapse departement van sport) Louhan van Zyl, Stephanus Schoeman, EP Odendaal, Nicholas Pretorius en afrigter Michael Lourens. Voor: Pieter Uys, Thinus Linde, Jaydon Pieterse, Herman Joubert en Tiaan Conradie. Foto's: Verskaf
'Ons bring jou die nuutste Klein-Karoo, Tuinroete, Hessequa nuus'
