OUDTSHOORN NUUS - "Eden-fietsry word gesien as die leier in fietsryontwikkeling in Suid-Afrika."
Hierdie was die woorde van die sekretaris van die Eden-sportraad, Dave van der Walt, tydens Eden-fietsry se jaarlikse prysuitdeling en jaareindfunksie Vrydagaand 9 Desember by die Eden-sportakademie op Oudtshoorn.
Van der Walt het die Eden-fietsry-assosiasie beskryf as een van die mees gesaghebbende sport-assosiasies in die land.
"Julle is verseker een van die mees suksesvolste bestuurde fede-rasies. Julle het 'n passie vir fietsry as sport. Borge is bereid om hul name aan julle te koppel, want julle presteer," het hy aan Corné Bence, die president van Eden-fietsry gesê.
Bence het aan die sportmanne en -vroue en gaste gesê 2016 was 'n jaar vol aksie en geleenthede vir die assosiasie. "Ons fietsryers het fenomenale prestasies behaal."
'n Fietsry presidensiële toekenning is gemaak aan Louis Visser (junior) tydens die prysuitdeling.
- Nuweling van die jaar: Attie Botha.
- Junior sportspan van die jaar: Bridgton Se-nior Sekondêr se o.14-fietsryspan.
- Senior sportspan van die jaar: Corné Bence (junior), Rico Bence en Marshall Bence.
- Beste vordering - vroue: Kirsten Roelofse.
- Beste vordering - mans: Daniel Watney.
- Junior sportvrou: Clarissa Schultz.
- Senior sportvrou: Jessica Gerber.
- Junior sportman: Louis Visser (junior).
- Senior sportman: Mike Lombard.
- Gestremde sportvrou: Vicky Scheepers.
- Gestremde sportman: Phillo Verlaat.
- Beste akademie ryer: Louis Visser.
- Presidents-toekenning: Louis Visser (junior).
- Beste prestasie: Rico Bence.
Meriete sertifikate is oorhandig aan Essie Esterhuyze, Louis Visser (senior), Dave van der Walt, Gavin Harris, Jade Gerber, Daclon Aries en Jackie Prins.
Sertifikate in verskeie kategorieë vir deelname, ondersteuning en bestuur en tegniese diensle-wering is ook oorhandig.
Met die oorhandiging van Eden-kleure aan Eden-fietsry-assosiasie se lede is van links André Elexander (Hoof uitvoerende beampte; Wes-Kaap-sport-akademies), Rico Bence, Jarreth le Fleur, Marshall Hendricks, Jessica Gerber, Corné Bence (Eden en Wes-Kaap-fietsry president), Riaan Fortuin, Stephnie McKay (Eden-fietsry), Dave van der Walt (Eden-sportraad) en Corné Botha (Eden-fietsry). Foto's: Christo Vermaak.
Eden-fietsryers van George wat toekennings ontvang het. Foto's: Christo Vermaak
ARTIKEL: CHRISTO VERMAAK, OUDTSHOORN COURANT-JOERNALIS
'Ons bring jou die nuutste Oudtshoorn, Klein Karoo nuus'
