Eden-fietsry-toekennings

OUDTSHOORN NUUS - Yolande de Villiers en Tristan Nortjé is verlede Saterdag by Eden-fietsry se jaarlikse prysuitdeling as senior sportman en sportvrou by Route 62 Bar & Grill Restaurant aangewys.

Tydens hierdie geleentheid is talle fietsryers, bestuurders, afrigters en skeidsregters vir hulle harde werk vanjaar vereer.

Die gasspreker van die aand was die voormalige Protea-fietsryer, Johan Nicol, wat ook 'n 'Lifetime Achiever'-toekenning ontvang het.

Nog 'n Protea-fietsryer, Jean Nell, het 'n Wes-Kaap ere-toekenning ontvang. Nel is in 2014 tydens 'n oefensessie op die Velodromebaan in Bellville (Kaapstad) oorlede. Hy het in 2008 sy Protea-kleure verwerf en was geoormerk vir die Olimpiese Spele sowel as die Statebondspele. Nel se ouers, Johan en Loretta Nell was teenwoordig om sy toekenning in ontvangs te neem.

Enkele hoogtepunte van die aand:

Junior sportvrou - Anya du Plessis
Junior sportman van die jaar - Cronje Beukes
Protea kleure is oorhandig aan Tristan Nortjé en Anya du Plessis.
Die volgende bestuurders van Eden Fietsry ontvang Wes-Kaap-kleure:
Jade Gerber
Daclon Aries
Sonja Schultz

Die volgende beamptes ontvang Wes-Kaap kleure:

Heindrich Greyffenberg
Karin Bence
Lee Aries
Daclon Aries

Spesiale toekennings:

Karin Bence - Eden Meriete-toekenning vir haar bydrae tot fietsry. Bence is ook die enigste gekwalifiseerde vroue-skeidsregter in Suid-Afrika vir pad, baan en bergfiets-byeenkomste.
Marike Vreken - Eden Uitvoerende-toekenning vir haar bydrae as Eden Bergfietsry-verteenwoordiger sowel as afrigter van talle fietsryers in die streek.
Sonja Schultz - Eden Presidensiële-toekenning. Schultz het ook vanjaar die Eden-sportraad se administrateur van die jaar toekenning ingepalm. Onlangs was sy ook die ontvanger van die burgemeesterstoekenning as senior administrateur van die jaar.