OUDTSHOORN NUUS - Die 25ste Highgate/DCAS/groter Oudtshoorn-munisipaliteit interprovinsiale tweekampbyeenkoms het Saterdag op Oudtshoorn plaasgevind en te midde van puik prestasies, ook twee SA rekords opgelewer.
"Dis altyd lekker om op Oudtshoorn te wees." So het die president van Atletiek SA, Archie Markgraaff, Saterdagoggend by die De Jager-atletiekbaan tydens die amptelike opening van die 25ste Highgate/ Groter Oudtshoorn-munisipaliteit/DCAS interprovinsiale tweekampbyeenkoms gesê.
Vanjaar was die 24ste keer dat die byeenkoms op Oudtshoorn aangebied is en die 21ste jaar dat Highgate Volstruisvertoonplaas die hoofborg is.
Die span van die Boland het die byeenkoms met 107 179 punte gewen en die Westelike Provinsie met 101 465 punte in die tweede plek. Die SWD was derde met 82 144 punte en die Oostelike Provinsie vierde met 66 149.
Sewe provinsies (WP, Boland, SWD, OP, Vrystaat, Grens en Griekwas) het deelgeneem en die 420 atlete het ten spyte van erge hitte vir puik prestasies gesorg. Die twee nuwe Suid-Afrikaanse rekords wat opgestel is was die van Toni Raffery (dogters 15 jaar) van die OP met 2 473 punte en Johan Windt van SWD wat die meesters mansrekord met een punt na 2 425 verbeter het en daarmee 'n nuwe SA rekord opgestel het.
2 289 punte opgestel en so ook die OP se Jenna Biddulph (dogters 11 jaar) met 2 248 punte.
Rafferty is ook aangewys as die junior victrix ludorum van die byeenkoms. Ruard van Reenen (seuns 13 jaar) van die WP is aange-wys as junior victor ludorum, Liezel Wessels (dames veterane) van die Boland as senior victrix ludorum en die SWD se Johan Windt (mans meesters) as senior victor ludorum.
SWD se medaljewenners was:
- Gustaf Schlechter, S/15 (goud)
- Juan Pretorius, junior veterane mans (goud)
- Chris van Wyk, veterane mans (goud)
- Johan Windt, meesters mans (goud)
- Lamé Gouws, D/9 (goud)
- Yvette Borrett, veterane dames (silwer)
- Walter Lutsch, junior veterane mans (brons)
- Lara Schlechter, D/17 (brons)
- Marius Schlechter, senior veterane mans (brons)
- Ander puik prestasie is gelewer deur:
- Luca Potgieter S/11 (4e)
- Ludik Muller S/13 (5e)
- Tammy Greenwood D/11 (5e)
- Bianca le Grange D/17 (5e)
- Cayla la Kay, senior dames (4e)
- Lorinda du Preez, junior veteran dames (4e)
- Tanya Osborne, veterane dames (4e)
Tydens die amptelike opening Saterdagoggend op die De Jager-sportkompleks van die 25ste Highgate interprovinsiale tweekampbyeenkoms is van links: Chris Jansen, oudpresident van SAtweekamp, Hein Fourie (OP), Gerrit Lourens (WP), Archie Marklgraaf , president van SA Tweekamp, Deon Veldhuizen, bestuurslid van SA tweekamp, Johan Keller van Highgate Volstruisvertoonplaas enDave van der Walt, visepresident van SA tweekamp. Foto: Garnett Wicomb
ARTIKEL EN FOTO'S: GARNETT WICOMB, OUDTSHOORN COURANT-KORRESPONDENT
'Ons bring jou die nuutste Oudtshoorn, Klein Karoo nuus'
