Senior ope-gholfdaglok talle spelers

OUDTSHOORN NUUS - Justin Thomas van die Oubaai-gholfklub in Heroldsbaai het die afgelope Saterdag die Oudtshoorn senior ope gholftoernooi se A-divisie by die Oudtshoorn-gholfklub met 'n telling van 71 punte gewen.

In die B-divisie, wat in die individuele Stableford-formaat beslis is, was ME Oosthuizen van Oudtshoorn-gholfklub se 40 punte genoeg om in dié kategorie koning te kraai.

Die toernooi is deur die Suid-Kaap-gholfunie aangebied en het 63 spelers van Oudtshoorn, George, Mosselbaai, Beaufort-Wes en Knysna gelok wat vanaf 07:30 afgeslaan het.

Weens Covid-19-regulasies was daar geen prysuitdelingseremonie nie.

A-divisie wenners is as volg:

Justin Thomas (Oubaai-gholfklub) -71 punte
Andrewe Procter (Simola Golf & Country Estate) -72 punte
Deon de Villiers (Pinnacle Point-gholfklub) -74 punte
Gerrit Janse van Rensburg (Oudtshoorn-gholfklub -74 punte
Bertus Smit (Pinnacle Point-gholfklub) - 75 punte

B-divisie wenners is as volg:

ME Oosthuizen (Oudtshoorn-gholfklub) - 40 punte
Ruben James (Beaufort Wes-gholfklub) - 40 punte
Ockie Horowitz (Oudtshoorn-gholfklub) - 39 punte
Clive Kaptein (Mosselbaai-gholfklub) -39 punte
Theo Adams (Mosselbaai-gholfklub) -38 punte

Op dieselfde dag het Godfrey Malgas die Oudtshoorn-gholfklub se klubkompetisie met 'n telling van 40 punte gewen. Dié plaaslike veteraan speler kon ook daarin slaag om die boerpoet in te palm.

Charl Louw van Kingswood-gholfklub in George teken 'n voëltjie aan. Foto's: Wyndham Ewerts