OUDTSHOORN NUUS - Dysselsdorp spog met splinternuwe opgegradeerde krieketnette wat amptelik op Woensdag 3 April deur die Wes-Kaapse minister van sport en kultuursake, Ricardo Mackenzie, en die Oudtshoorn-burgemeester, Johan Allers geopen is.
Jean Neetling, bestuurder vir die Eden-distrik se sport en ontspanningskantoor het gaste verwelkom. Advokaat Michelle Weyers het ’n kort toespraak gegee waarna die amptelike opening plaasgevind het.
Mackenzie het beklemtoon dat inwoners na infrastruktuur wat aan hul gegee word moet omsien.
“Ons sien by hoeveel sportvelde toerusting gevandaliseer word. Mense moet ophou praat en begin doen, gemeenskappe word vernietig en trots begin by sport en sportfasiliteite.”
Volgens Mackenzie is dit juis sportfasiliteite wat sorg dat spelers die geleentheid gegun word om verder te gaan in hul sport en moontlik eendag te kan uitdraf vir die Proteas.
Fotogalery: Dysselsdorp spog met nuwe krieketnette
‘Ons bring jou die nuutste Tuinroete, Hessequa, Karoo nuus’
