OUDTSHOORN NUUS - 'n Uitsonderlike prestasie is Woensdag-oggend in die Klein-Karoo Straatmyl op Oudtshoorn behaal toe twee atlete droommyle gehardloop het en die straatmyl in minders as vier minute afgelê.
Amos Nyonga het die straatmyl in 'n skitterende 3:52,0 gewen gevolge deur Dumisane Hlaselo in 'n tyd van 3:55, 71.
Verlede jaar se wenner Johan Cronjé, wat toe ook in minder as vier minute klaargemaak het, was Woensdag in die derde plek met 'n tyd van 4:01,79. Volgens die atlete was die weersomstandighede ideaal vir die straatmyl wat in Baron van Reedestraat plaasgevind het.
Die dameswedloop is deur Simonay Weitz in 4:42,64 gewen met Anuscha Nice op haar hakke in 4:43,25. Andrea Steyn was in die derde plek met 'n tyd van 4:48,45.
Die sub-juniorwedloop is gewen deur Lazlo Paulsen in 4:56,89 met Gustav Schlecther (5:07,45) tweede en Ian de Fouw (5:18,05) in die derde plek.
Die Klein-Karoo Straatmyl is die eerste deel van die Eden-straatmylreeks. Die tweede been vind môre op George plaas by die NMMU-kampus op die Saasveldpad. Die laaste been, en waarskynlik die hoogtepunt wat deelname en toeskouers aanbetref vind Woensdag 23 Desember op Hartenbos plaas.
Die kategoriewenners was as volg:
1. Lazlo Paulsen (04:56:89)
2. Gustav Schlechter (05:07:45)
3. Ian De Fouw (05:18:05)
1. Veronique Visagie (05:38:99)
2. Karla Stumpf (05:52:00)
3. Anuk Maloney (06:22:29)
Junior seuns (Gebore tussen 1 Januarie 1997 en 31 Desember 2001)
1. Dylan van Wyk (04:21:33)
2. Ruben Dlepu (04:23:07)
3. JP van der Merwe (04:31:03)
1. Simonay Weitz (04:42:64)
2. Carina Viljoen (04:53:57)
3. Rizani Van Aswegen (05:10:19)
1. Amos Nyongo (03:52:69)
2. Dumisane Hlaselo (03:55:71)
3. Johan Cronjé (04:01:79)
4. Zolani Ngqaqa (04:04:20)
5. Bruce-Lynn Damons (04:09:20)
6. Pharson Magagane (04:11:08)
1. Simonay Weitz (04:42:64)
2. Anuscha Nice (04:43:25)
3. Andrea Steyn (04:48:45)
4. Kesa Molotsane (04:53:00)
5. Carina Viljoen (04:53:57)
6. Anet Coetzee (04:54:72)
1. Marius Hugo-Schlechter (04:58:61)
1. Phillis de Fouw (06:08:07)
Spesiale kategorie (rolstoel)
Gerrit Hendricks (03:49:74)
Verlede jaar se wenner Johan Cronjé was derde. Foto's: Hannes Visser
Dumisane Hlaselo is in die tweede plek oor die eindstreep.
ARTIKEL: DAVE VAN DER WALT
'Ons bring jou die nuutste Oudtshoorn, Klein Karoo nuus'
