OUDTSHOORN NUUS - Oudtshoorn se nuwe veteraan padwedloop trots, Booi Salman, het Saterdag sy atletiekloopbaan 'n trappie hoër geneem, toe hy na talle eer-ste plekke in verskeie onlangse 10 km-wedlope, die 21,1 km KKI-padwedloop aangedurf het.
Vir Salman was dié 21,1 km-wedloop 'n eerste. Hy het in dié eerste langer afstand wedloop in sy loopbaan gewys hy is slaggereed om aan die Suid-Afrikaanse meesterskampioenskappe in Mei-maand te gaan deelneem.
In 'n tyd van 1:15:30 het die Nedbank SWD-atleet eerste oor die wenstreep gehardloop. Hy het sodoende die ervare Melikaya Msizi (Knysna-marathonklub - 1:19:11)) en Anderson Ncube (Nedbank SWD - 1:20:21) stof in die oë gehardloop, in die stryd om die eerste drie plekke.
Bykans 200 atlete het aan die twee dag se twee wedrenne deelgeneem.
Nerida Lubbe en Rome Phillipson-Meyer, beide van Hartenbos Drawwers het vir die opwin-ding van die dag gesorg toe die twee spanmaats in 'n tyd van 1:54:22 saam eerste oor die wenstreep gehardloop het. Kort op hul hakke was Lorinda Janse van Rensburg (tydelike lisensie) in 'n tyd van 1:57:15).
Komani Awonke (Knysna-marathonklub) het die langafstand se junior-mansafdeling gewen. Daar was geen dames deelnemers in die afdeling nie.
Salman het ook met die KKI wenkoevertjie gevul met sy finansiële prys vir die veteraanwenner weggestap. In die vroue-afdeling het die prys Nerine Lubbe toegekom.
Meesters (50-59)
Mans: Jason Jafta - Oudtshoorn-atletiekklub (1:28:12).
Dames: Doortjie van der Spuy - Outeniqua Harriers (1:59:13).
Grootmeesters (60-69)
Mans: Koos Smit - Hartenbos Drawwers (1:41:14).
Dames: Geen
Groot-grootmeesters (70+)
Mans: Geen
Dames: Geen
Stappers
Mans: Freddie Booysen - Knysna-marathonklub (2:22:12).
Dames: Hettie Fourie - Hartenbos Drawwers (3:05:45).
10 km uitslae
Ope-afdeling
Mans: 1. Francois Maquassa -Nedbank SWD - (33:50), 2. Ishmael Mohlalehi - SANW (37:14), 3. Patrick Peters - SANW (38:10).
Dames: 1. Stephany Petro - Nedbank SWD (39:16), 2. Brittney-Ann Meyer - Nedbank SWD (43:45), 3. Elmari du Plessis - Hartenbos Drawwers (44:59).
Juniors
Mans: Phelowethu Dickson - Knysna-marathonklub (39:59).
Dames: Stephany Petro - Nedbank SWD (39:16).
Veterane (40-49)
Mans: Ishmael Mohlalehi - SANW (37:14).
Dames: Teresa Bester - Nedbank SWD (46:31).
Meesters (50-59)
Mans: Patrick Peters - SANW (38:10).
Dames: Michelle Janse van Vuuren - Nedbank SWD (57:41).
Grootmeesters (60-69)
Mans: Johannes Nieman - Nedbank SWD (1:13:17).
Dames: Mariet Horn - Knysna-marathonklub (1:01:14)
Groot-grootmeesters (70+)
Mans: Geen
Dames: Cecilia Swiegers - Nedbank SWD (1:14:29).
Stappers
Mans: Innocent Dhlamini - SANW (1:12:39).
Dames: Geraldine Loftie-Eaton - Nedbank SWD (1:19:44).
'Ons bring jou die nuutste Oudtshoorn, Klein Karoo nuus'
