OUDTSHOORN NUUS - 'n Besige tweekampseisoen word verwag met die eerste geleentheid wat in Oktober plaasvind. Die Eden-tweekamp, onder voorsitterskap van Stephnie McKay, beleef tans ongekende groei.
In Februarie en November vind die eerste interprovinsiale byeenkoms by Highgate-volstruisplaas plaas.
Eden-tweekamp is weer die gasheer vir die 49ste SA kampioenskappe wat op 21 en 22 Maart in Oudtshoorn aangebied word.
Buiten die byeenkomste vind die proewe-byeenkomste, vier ligabyeenkomste, die Wimpy-dubbelsbyeenkoms, Eden-kampioenskappe, drie ontwikkelingsklinieke en 'n kapasiteitswerkswinkel plaas.
Daar word op 15 Oktober 'n algemene jaarvergadering gehou en op 14 Januarie 2026 'n beplanningsvergadering.
Wat is tweekamp?
Dit bestaan uit twee dissiplines, hardloop (400 tot 800 m) en swembad-swem (25 tot 100 m). Die seisoen strek vanaf 1 September tot April. Dit dek ouderdomsgroepe vanaf 7 tot 80+ vir beide mans en vroue.
"Dit is werklik 'n gesinsport wat lewensvaardighede bied. In Eden word al die byeenkomste (uitgesonder die interprovinsiale byeenkomste) op Dinsdagmiddae gehou om atlete die geleentheid te bied om ook nog ander aktiwiteite te beoefen," noem Dave van der Walt.
Besoek www.edenbiathlon.com vir meer inligting of kontak Dave van der Walt by 082 7734 901 of davesusvdw@gmail.com
‘Ons bring jou die nuutste Tuinroete, Hessequa, Karoo nuus’
