OUDTSHOORN NUUS - Die Democratic New Civic Association (DNCA) het op die nippertjie daarin geslaag om die dertiende politieke party te wees wat sy oog op die Oudtshoorn-munisipaliteit het.
Die party het hom tot die howe gewend nadat die OVK beslis het dat die party net aan een streek mag deelneem. Met die sukses van hulle appèl, gaan die party nou in meer as een streek deelneem.
"Ons is op 12 Julie in kennis gestel dat ons appèl suksesvol was en deur die OVK toegelaat moet word om aan die verkiesing te mag deelneem," het die Wes-Kaap Oos leier van die DNCA, Patrick Laws, die week gesê.
"Ons gaan in die Overberg, Weskus en Eden kandidate stel en op Oudtshoorn in 12 van die 13 wyke staan."
Die partye wat aan die verkiesing in Oudts-hoorn deelneem is:
ACDP - African National Christian Party (Alle wyke)
ANC - African National Congress (Alle wyke)
COPE - Congress of the People
DA - Democratic Alliance (Alle wyke)
DNCA - Democratic New Civic Association
EFF - Economic Freedom Fighters
ICOSA - Independent Civic Organisation of South Africa
PBI - Plaaslike Besorgde Inwoners
SAC - South African Civics
SARCO - South Arfican Religious Civic Organisation (Alle wyke)
UMPA - Unemployed People's Association
VFP - Vryheidsfront Plus (Alle wyke)
(Die Oudtshoorn Courant het al 13 partye genooi om 'n kort boodskap van 200 woorde vir hierdie uitgawe beskikbaar te stel. Nege partye het reageer en hulle bydraes word hier geplaas in geen spesifieke volgorde en volgens beskikbare spasie. Red)
ARTIKEL: GARNETT WICOMB, OUDTSHOORN COURANT-KORRESPONDENT
'Ons bring jou die nuutste Oudsthoorn, Klein Karoo nuus'
