OUDTSHOORN NUUS - Die saak teen 'n dokter verbonde aan die Infanterieskool op Oudtshoorn, wat daarvan aangekla word dat hy twee jong vroulike rekrute seksueel aangerand het, is gister in die Oudtshoorn-streekhof as voorkeursaak vir twee dae se verhoor tot April uitgestel.
Die 35-jarige dokter van die Paarl, wat sedert Februarie verlede jaar in die siekeboeg van die Infanterieskool werk, en nog nie gevra is om te pleit nie, het glo by drie geleenthede die twee vroue in sy spreekkamer betas nadat hy die deure gesluit het.
Dit het ook aan die lig gekom dat een van die klaers Venda-sprekend is en 'n tolk nie gister beskikbaar was nie.
Streeklanddros Daniel Boks het sy kommer hieroor uitgespreek omdat die saak reeds op 24 Oktober verlede jaar uitgestel is. Die beskuldigde se borgtog van R5 000 en borgtogvoorwaardes is weer verleng.
Hy mag onder andere nie vroulike pasiënte van die Infanterieskool behandel nie.
Adv. Benito Metembo, verskyn in opdrag van Avontuur en Genote vir die beskuldigde.
Klik hier vir vorige artikels:
- Weermagdokter se saak uitgestel
- Weermagdokter weer vlugtig in hof
- Weermagdokter rig vertoë tot DOV
- Dokter borgtog van R5 000 toegestaan
- Dokter in hof vir verkragting
'Ons bring jou die nuutste Oudtshoorn, Klein Karoo nuus'
