Waterbeperkings vir Oudtshoorn geïmplementeer

OUDTSHOORN NUUS - In reaksie op die dalende watervlakke in Raubenheimerdam, wat tot onder 80% gedaal het, het Oudtshoorn Munisipaliteit Vlak 1 Waterbeperkings geaktiveer soos uiteengesit in die Waterbestuursplan.

Hierdie beperkings is nodig om strenger maatree¨ls uit te stel en Oudtshoorn se watersekerheid te beskerm.

Vlak 1 Waterbeperkings:
•Tuin- en sportveldbesproeiing word beperk tot drie dae per week (Maandag, Woensdag en Vrydag) vir 'n maksimum van ses uur per dag, tussen 06:00 – 09:00 in die oggend en 17:00 – 20:00 in die aand.
•Privaat swembaddens gevul met drinkbare water moet bedek word om verdamping tot die minimum te beperk.
•Was van geplaveide oppervlaktes met drinkbare water is streng verbode.
•Inwoners moet daaglikse waterverbruik tot onder 150 liter per persoon per dag verminder.

Vir De Rust, Dysselsdorp en KKRWSS:

Hierdie gebiede bly onder Vlak 6 (krisis) beperkings as gevolg van kritiek lae waterbeskikbaarheid. Verwys asseblief na die aangehegte Waterbesparingstabel vir besonderhede oor alle beperkingsvlakke en hul spesifieke implikasies.

Watertariewe bly onveranderd

Op hierdie stadium sal watertariewe nie onder Vlak 1-beperkings styg nie. Sou die damvlak egter tot onder 50% daal, sal tariefaanpassings in werking gestel word.

Hoekom dit saakmaak
Water is 'n kritieke hulpbron, en vroee¨ bewaringspogings help om uiterste tekorte te voorkom.

Deur by hierdie beperkings te hou, kan inwoners bydra om Oudtshoorn se watertoevoer vir die toekoms te verseker. Ons waardeer die gemeenskap se samewerking om water verantwoordelik te gebruik.