OUDTSHOORN NUUS - Eljada Nasorgsentrum het 'n dag van sport en ontspanning geniet by die NA Smit-swembad tydens hul jaarlikse sportdag op Oudtshoorn.
Up with Down's skool in George het spesiaal na Oudtshoorn gereis om in die dag se pret te deel.
Op Vrydag 3 Maart het die nagsorgsentrum se inwoners en pesoneel aan verskeie swemitems deelgeneem, maar ook buite die swembad mekaar die stryd aangesê met 'n toutrekkompetisie.
Swemitems het ingesluit waterdanse, waterstapresies, swem en binneband roeikompetisies. Hierdie sportdag is 'n jaarlikse gebeurtenis op die sentrum se dagboek.
Die swemitems is met 'n waterdans geopen, waar die deelnemers op die ritme van Tiny Bubbles.
Soos die lirieke die vreugde beskryf met woorde:
Tiny bubbles
In the wine
Make me feel happy
Ah, they make me feel fine
Those tiny bubbles
Make me warm all over
With a feeling that I'm gonna
Love you till the end of time So here's to the golden moon
And here's to the silver sea
And mostly here's a toast
To you and me,
Die vreugde van die inwoners en personeel was duidelik sigbaar tydens hul deelname die dag. Dié item is in die formaat van 'n drama opgevoer. Van die inwoners het vonkeldruiwesap buite die swembad gedeel. Daarna het die dramatoneel na die binnekant van die swembad verskuif, met danspassies op die lirieke van Tiny Bubbles.
Die swemitems het begin met deelnemers wat in die water resies gestap het. Toe volg die verskillende vryslag en ander swemkompetisies. Dit is gevolg deur 'n binneband waterresies.
Die dag is afgesluit met smulhappies vir almal, onder sambrele wat Sasko beskikbaar gestel het vir die dag se gebruik by die NA Smit-swembad wat die Oudtshoorn-munisipaliteit gratis beskikbaar gestel het vir die nasorgsentrum se inwoners en personeel om heeldag te sing:
Those tiny bubbles
Make me warm all over.
'Ons bring jou die nuutste Oudtshoorn, Klein Karoo nuus'
