OUDTSHOORN NUUSFLITS - Gordon April, voormalige burgemeester van Oudtshoorn, sal nog 'n dag of twee, moontlik selfs langer, moet wag om te hoor of hy teen sy skuldigbevinding en vonnis sal kan appelleer.
Die saak is vanoggend in die Oudtshoorn-streekhof, op versoek van die staat, deur landdros JH Breyl, tot Woensdag uitgestel vanweë die siekte van streeklanddros Mark van Wyngaardt.
Die aangeleentheid is op 19 April tot vandag uitgestel omdat Van Wyngaardt toe in die hospitaal was.
Staatsaanklaer Willem Vister, het vanoggend versoek dat die saak voorlopig tot Woensdag 26 April uitgestel word met die hoop dat landdros Van Wyngaardt dan beskikbaar sal wees.
Talle ander sake wat voor Van Wyngaardt dien moes noodgedwonge vanoggend uitgestel word.
April is op 5 April vanjaar effektief tot vyf jaar gevangenisstraf gevonnis nadat hy skuldig bevind is aan diefstal, die onwettige besit vcan munisipale voertuie, intimidasie en regsverydeling.
Hy is egter van mening dat 'n ander hof tot 'n ander bevinding kan kom.
Die staatsaanklaer in die saak, Tommy Verreyne, het die aansoek teengestaan.
Vaughn Shone verskyn namens April.
Klik hier vir vorige artikels:
- April moet nog 'n week wag
- Oudburgemeester se appèl weer uitgestel
- Opvolg: Oudburgemeester bly in aanhouding
- Opvolg: Oudburgemeester kry tronkstraf
- Oudburgemeester môre in hof vir appèl
- Oudburgemeester bly in aanhouding
- Voormalige burgemeester gaan tronk toe
- April in April gevonnis vir diefstal
- Voormalige burgemeester skuldig aan diefstal
- April-diefstalsaak uitgestel
'Ons bring jou die nuutste Oudtshoorn, Klein Karoo nuus'
