OUDTSHOORN NUUS - Die Oudtshoorn Vrywilligers vir Mens en Dier bied volgende Saterdag (5 September) `n Lente Pretloop by die diereskut aan.
"Ons het `n roete van 2km waarlangs deelnemers met die skud se honde kan stap. Mense kan ook met die katjies in hul hokke kom speel," verduidelik Elmarie Swiegers.
"Daar sal twee waterpunte langs die roete wees. Die diere is baie opgewonde om te hoor dat hulle bietjie bene kan rek. En dalk kry ons sommer `n hele paar nuwe aanneemouers."
Pryse sal uitgedeel word aan die deelnemer wat die snaakste hoed, grootse hoed of kleinste hoedjie dra.
Deelnemende stappers sal ook `n koeldrank kry.
Bring honde- of katkos, `n speelding of lekkerny vir die diere saam.
Belangstellendes kan Elmarie Swiegers skakel by 082 498 0177 of Lee-Ann van Sittert by 083 334 0172.
'Ons bring jou die nuutste Oudtshoorn, Klein-Karoo nuus'
