OUDTSHOORN NUUS - Oor 'n week vier Oudtshoorn die amptelike opening van die splinternuwe Klein Karoo Markt, 'n stylvolle, moderne winkelsentrum wat beloof om die inkopiehartklop van die Klein-Karoo te word.
Die sentrum, wat gerieflik in Rademeyer-straat geleë is, open Woensdag 24 April amptelik sy deure vir die publiek. Met 'n indrukwekkende 38 winkels onder een dak, mik hierdie ontwikkeling om inkopies vir plaaslike inwoners én besoekers gerieflik te maak.
Oudtshoorn Courant het vroeër berig dat die perseel in Maart verlede jaar aan die ontwikkelaars oorhandig is.
Die Klein Karoo Markt, met 'n vloeroppervlak van 14 000 m², is deur die ervare Farns Farmer, wat al 26 winkelsentrums landwyd ontwerp het.
Vir inkopieliefhebbers is daar baie om oor opgewonde te raak: bekende grootnaam-winkels soos Checkers, Food Lover's Market, Woolworths en Dis-Chem bied 'n omvattende inkopie-ervaring. Daar sal ook, onder andere, 'n Ackermans, Pep, Truworths, Refinery, Pick n Pay Clothing, Mr Price, Cape Union Mart, De Jagers, Out of the Blue, Senqu en Milady's wees.
Vir dié wat iets meer spesiaal soek, bied spesialiteitswinkels soos Market Liquors, Checkers Liquor, Little Me, The Crazy Store, Techno Stop, Petshop Science, Tobacco Stop en Vuse iets vir elke behoefte.
Verder is daar ook praktiese dienste beskikbaar, insluitend Sheet Street, Neovision Optometrists, Male Ego Spa & Barber Shop, Top Stitch Tailors, en 'n verskeidenheid bankdienste soos ABSA, FNB, Standard Bank en Capitec-OTM'e.
Daar is ook gewilde koffiewinkels soos Seattle Coffee Company, Mugg & Bean en Wimpy, terwyl Paul's Homemade Ice Cream iets besonders bied vir die soettand. En as jy op soek is na 'n nuwe stel wiele, loer gerus in by We Buy Cars.
‘Ons bring jou die nuutste Tuinroete, Hessequa, Karoo nuus’
