OUDTSHOORN NUUS - Famsa Karoo is tans een van die grootste nie-regeringswerkgewers in Oudtshoorn met 'n personeelkorps wat van 'n skrale 12 in 2012 tot 'n huidige 123 gegroei het.
Die streekdirekteur, Franzu Badenhorst, sê dat Famsa deur goeie beplanning 'n inkomste van R5 miljoen vir die jaar ontvang het.
Die grootste finansiële bydrae kom van die departement van gesondheid met departement van maatskaplike ontwikkeling tweede en die gemeenskapskas van die Wes-Kaap derde.
- Berading en terapie aan 436 gesinne;
- Huweliksverryking aan 97 mense en egskeidingondersteuning aan 16 geskeides;
- Aanbied van gesinsdagprogramme aan 59 ouers;
- Vakansieprogramme is aan 615 kinders aangebied en 948 kinders het aan lewensvaardigheidprogramme deelgeneem;
- Verskillende ouerskapprogramme is aan 283 ouers aangebied;
- Terapie en berading is aan 403 slagoffers van misdaad en geweld gegee;
- Tussen 50 en 133 kinders wat op straat bly het op verskillende tydstippe dienste by die St Francis invalsentrum ontvang.
- Honderde individue en huishoudings het noodsaaklike gemeenskapsdienste ontvang
Famsa Karoo is deurlopend besig met die ontwikkeling van nuwe programme en projekte om die gemeenskap te dien.
'Ons bring jou die nuutste Oudtshoorn, Klein-Karoo nuus'
