OUDTSHOORN NUUS - Die saak teen 'n dokter verbonde aan die Infanterieskool op Oudtshoorn wat daarvan aangekla word dat hy twee jong vroulike rekrute seksueel aangerand het, is na die getuienis van die twee vroue vir verdere verhoor in die Oudtshoorn-streekhof tot Junie uitgestel.
Die saak is deur streeklanddros Daniel Boks vir voortsetting van die verhoor uitgestel tot 13 Junie na die getuienis, in camera, van die twee klaagsters. Die beskuldigde se borgtog van R5 000 en borgtogvoorwaardes is verleng.
Hy mag onder andere nie vroulike pasiënte van die Infanterieskool behandel nie en ook nie die dorp verlaat sonder die kennisname van die ondersoekbeampte nie.
Elaine Plaatjies verskyn vir die staat en adv. Benito Metembo, in opdrag van Avontuur en Genote vir die beskuldigde.
Klik hier vir vorige artikels:
- Weermagdokter weer vlugtig in hof
- Weermagdokter se saak uitgestel
- Weermagdokter weer vlugtig in hof
- Weermagdokter rig vertoë tot DOV
- Dokter borgtog van R5 000 toegestaan
- Dokter in hof vir verkragting
ARTIKEL: GARNETT WICOMB, OUDTSHOORN COURANT-KORRESPONDENT
'Ons bring jou die nuutste Oudtshoorn, Klein Karoo nuus'
