OUDTSHOORN NUUS - Om 42 jaar voor die klas te staan getuig van toewyding en passie. Alida le Vack is só 'n opvoeder.
Sy het Saterdag in Kaapstad 'n toekenning van die WKOD ontvang vir 40 jaar ononderbroke diens.
Die Wes-Kaapse minister van onderwys, Debbie Schafer, het Le Vack se toekenning aan haar oorhandig. Sy het in Schoemanshoek grootgeword en het haar eerste onderwyskwalifikasie in 1975 ontvang. Haar eerste onderwyspos was by Protea Primêr in 1976.
Haar onderwysloopbaan het ook 25 jaar diens by Dyssesldorp Primêr ingesluit. Sy het haar kwalifikasies voortdurend verbeter en in 2011 haar B Ed honneursgraad verwerf.
Sy is tans by Bergsig Primêr waar sy in 2009 aangestel is.
'Ons bring jou die nuutste Oudtshoorn, Klein Karoo nuus'
