OUDTSHOORN NUUS - Skaakspelers wat nog op skool is het volgende naweek 'n unieke geleentheid om Suid-Afrika se skaakmeester te ontmoet en by hom kers op te steek.
Hoërskool Calitzdorp nooi elke skoolgaande skaakspeler in die Klein-Karoo uit na 'n skaak-ontwikkelingsnaweek wat deur grootmeester Alexa Strikovic aangebied word.
Strikovic het in Julie gesamentlik in die SA skaak ope-kampioenskappe in Kaapstad geëindig. Grootmeester Nigel Short deel die titel met hom. Strikovic besoek Calitzdorp op Vrydag 4 en Saterdag 5 September om skoleskaakspelers touwys te maak.
Grootmeester Alexa Strikovic word vergesel deur die volgende hooggeplaastes:
• Dr. Deon Solomons, president van WP-skaak en lid van die uitvoerende komitee van Skaak SA.
• Andrew Fisher, adjunkpresident van WP-skaak.
• Adv. Lynden Bouah van die departement sport en ontspanning (kandidaatmeester) en kaptein van die van die SA skaakspan.
• Mark Lewis, afrigter, arbiter en provinsiale Master.
'n Besoek van 'n grootmeester in skaak gebeur nie sommer elke dag nie wat van hierdie besoek 'n gulde en unieke geleentheid vir elke skaakspeler maak.
Die besoek van Alexa Strikovic is moontlik gemaak deur 'n senior advokaat en oudleerder van Hoërskool Calitzdorp, Freek Geyser.
Jane Wilkinson tydens skoolure by 044 213 3313 of Marie-Reinet Conradie by 084 330 3435.
'Ons bring jou die nuutste Oudtshoorn, Klein-Karoo nuus'
