OUDTSHOORN NUUS - Reghardt Wolmerans is slegs ses jaar oud en is reeds besig om naam te maak in die atletiekwêreld.
Op Maandag 7 Mei het hy sy sesde verjaarsdag gevier. Op Saterdag 26 Mei hardloop hy sy 10de parkrun. Reghardt het op 17 Februarie sy eerste parkrun in 'n tyd van 36:37 voltooi. Die parkrun op 26 Mei het hy in 30:02 voltooi.
Twee van die parkruns het hy in George (141ste uit 527 deelnemers) en Century City (316de uit 1 292 deelnemers) gehardloop.
Soos per parkrun-beleid word hy deur sy moeder, Laetitia, vergesel as hy draf.
Reghardt sê sy moeder motiveer hom, "maar eendag sal ek haar motivering wees".
Op Maandag 7 Mei het Reghardt Wolmerans sy sesde verjaarsdag gevier.
'Ons bring jou die nuutste Oudtshoorn, Klein Karoo nuus'
