OUDTSHOORN NUUS - Lede van die nuutgestigde ROAR (Ruk Oudtshoorn Administrasie Reg) hou tans 'n plakkaatbetoging voor Oudtshoorn-munisipaliteit.
Volgens ROAR se voorsitter, Willie Coetzee is hulle 'n nie-politiese groep wat mense mobiliseer om die dienslewering van die munisipaliteit reg te ruk. "Ons dorp is oorgelewer aan amptenare van buite die dorp wat politiese aanstellings is en die raadslede kan nie funksioneer nie. Dit is nie demokrasie nie."
Volgens hom is die uitstel van vanoggend se raadsvergadering 'n poging deur 'n minderheid binne die raad om te verhoed dat die Webber Wentzel-verslag voor die raad dien.
Daar is reeds verskeie kere berig dat daar tweespalt onder DA-raadslede is en dat daar nie tydens 'n vergadering gewaarborg kan word dat die DA-lede eenstemmigheid sal bereik nie.
Dit beteken dus dat die DA sy beheer oor die raad kan verloor.
'Ons bring jou die nuutste Oudtshoorn, Klein Karoo nuus'
