OUDTSHOORN NUUS - Die Oudtshoorn Rotariërs het hulle 67 minute vir Mandela die afgelope Saterdag by Volmoed bygedra.
Rotariërs, familie en vriende het onder andere 67 komberse aan bejaardes uitgedeel.
Kleuters by die Pierewiet-crèche het elkeen 'n mussie ontvang. Die komberse en mussies is aangekoop met geld wat deur die Rotariërs uit Kanada, tydens 'n besoek aan Oudtshoorn, bewillig is.
Die hele gemeenskap is ook bederf met sop wat deur die Rotariërs voorberei is en brood wat deur Camp Bakery geskenk is. Die gemeenskapsradiostasie, EDENfm het met 'n buite-uitsending op Volmoed, gesorg vir musiek.
Ingenome kleuters met hulle wolmusse wat uitgedeel is.
'Ons bring jou die nuutste Oudtshoorn, Klein Karoo nuus'
