OUDTSHOORN NUUSFLITS - “As elke vrou net haar plig doen kan Suid-Afrikaanse vroue die beste in die wêreld wees,” sê Oudtshoorn se langsdienende raadslid en 'n vorige burgemeester, me Diane de Jager van die DA.
Sy was Maandagoggend in die Toekomsrus gemeenskapsaal die gasspreker by die Vrouedagviering van die Oudtshoorn-munisipaliteit.
“Vrouedag moet elke dag gevier word en die tyd het aangebreek dat vroue gaan kyk na die misbruik van ouderdomspensioene wat deur kinders uitgedrink word, na die bejaardes in tehuise en na gestremdes. Daar is vir alle vroue elke dag iets te doen. Ons moet meer betrokke raak”
De Jager het 'n beroep op vroue gedoen om te gaan kyk hoeveel jong meisies vir prostitusie gewerf word.
“Hoekom dwaal ons kinders so af? Omdat alle ouers nie hul pligte nakom nie.”
Nog 'n DA raadslid, Felicity Magxaka het gesê vroue moet ophou stilbly oor die mishandeling van vroue en kinders waarvan hulle weet. Hulle moet standpunt inneem teen die mishandeling en help om oortreders aan die lig te bring.
“Ons sê vandag genoeg is genoeg.”
Junior dansers van die Total Praise Dance Ministries lewer een van hul items.
Sprekers by die Oudtshoorn munisipaliteit se Vrouedaviering in die Toekomsrus gemeenskapsaal, is van links: rdl Felicity Magxaka, rdl Ewa Fortuin, Eerw Moira Nyondo en rdh Diane de Jager. Foto's: Garnett Wicomb.
Lees meer in Vrydag se Oudtshoorn Courant, asook aanlyn.
'Ons bring jou die nuutste Oudtshoorn, Klein-Karoo nuus'
