OUDTSHOORN NUUS - Langenhoven Gimnasium se slaagsyfer van 99,3% is die hoogste van die ses hoërskole in Oudtshoorn.
Gimmies het verlede jaar 134 matrieks gehad wat eksamen geskryf het en spog met 14 A-kandidate wat ook die meeste van die hoërskole is. Hul topkandidaat is Ruan Steyn met 'n gemiddeld van 93,57% en sewe vak-A's. Kort op sy hakke was Lizhare Botha met 87,57% met ook sewe vak-A's en Johan Strydom met 85,86% en ses vak-A's.
Hoërskool Oudtshoorn, se slaagsyfer is 98,4% en hulle het 122 matrieks gehad wat eindeksamen geskryf het. Struisies spog met 12 A-kandidate. Hul topkadidaat is Lisa Marais met 86,2% en Leigh-Anne Carlisle (86,14%) en Kayla Hagan Matthews (85,57%) is onderskeidelik tweede en derde op ranglys.
Môrester Sekondêr se slaagsyfer is 95,7%
teenoor die 76,8% van die vorige jaar en volgens die skoolhoof, Jacobus Francis, van die beste in die Wes-Kaap. Hulle het verlede jaar 138 leerders gehad wat die eindeksamen geskryf het. Sylvia Meyer slaag met 'n A-gemiddeld en het ses vak-A's behaal.
Fezekile Secondary School het in vergelyking met verlede jaar se 61% slaagsyfer vanjaar 'n slaagsyfer van 93, 5%. Hul dux-leerder is Melikhaya Manele met twee vak-A's en 'n gemiddeld van 69,3%. Fezekile het verlede jaar 46 matrieks gehad wat die eindeksamen geskryf het. Tos Louw, die skoolhoof sê, hy is uiters trots op sy matriekklas van 2015.
Bridgton Senior Sekondêr se slaagsyfer is 89,4% teenoor die 83,5% van die vorige jaar met drie A-gemiddeldes. Die tweeling, Matthew en Marcus Claasen en Astrid Thomas is die toppresteerders van die skool. Die twee Claasens slaag albei met ses onderskeidings en Astrid met vier onderskeidings. Hulle het 216 matrieks gehad wat die eindeksamen geskryf het.
Aurial Kollege se slaagsyfer is 82,9% teenoor die 84,2% van die vorige jaar. Hulle het 76 matrieks gehad wat die eindeksamen geskryf het.
Matrrieks van Aurial Kollege vier hul uitslae buite die skool. Foto: Garnett Wicomb
Klik hier vir vorige artikels:
Dit blyk dat meeste skole in die streek, insluitende die skole in Oudtshoorn, se slaagsyfer opgegaan in vergelyking met verlede. Die uitslae van die ander skole in alfabetiese volgorde is soos volg:
• Beaufort-Wes Skondêr: 79,3% (verlede jaar: 79,5%)
• Calitzdorp Hoërskool: 93,8% (verlede jaar: 97,5%)
• De Rust Sekondêr: 92,1% (verlede jaar: 91,1%)
• Dysselsdorp Sekondêr: 80,4% (verlede jaar: 73,3%)
• Haarlem Sekondêr: 89,5% (verlede jaar: 92,2%)
• Ladismith Hoërskool: 97% (verlede jaar: 100%)
• Ladismith Sekondêr: 90,4% (verlede jaar: 77%)
• Uniondale Hoërskool: 97,4% (verlede jaar: 95%)
• Zwartberg Hoërskool: 98,3% (verlede jaar: 85,5%)
ARTIKEL: LIEZL VAN NIEKERK, OUDTSHOORN COURANT-JOERNALIS
'Ons bring jou die nuutste Oudsthoorn, Klein Karoo nuus'
