OUDTSHOORN NUUS - Roy Brown en sy agt maande oue seun (Roy junior) het Woensdagoggend op Oudtshoorn aangekom as deel van hulle staptog van bykans twee maande tussen Pietermaritzburg en Kaapstad en weer terug.
Die doel van die staptog is om geld in te samel vir Famsa en Pacsa. Sy vrou, Jessica, reis ook saam as ondersteuning.
Famsa is 'n nie-winsgewende organisasie wat veral fokus op gesinsgeweld, egskeidings en huweliksberading terwyl Pacsa op geslagsgelykheid, sosio-ekonomiese regte, jeugontwikkeling en MIV/Vigs- kwessies fokus.
Hy het op 1 Augustus in Pietermaritzburg weggespring na Johannesburg toe en vandaar oor Bloemfontein, Plettenbergbaai, Knysna en George gestap. Volgens sy beplanning sal hy vir nog ongeveer 22 dae voetslaan voordat hy weer in Pietermaritzburg eindig.
Sy mediese borg, ER24, ry per ambulans agter Roy om seker te maak hy bly liggaamlik in 'n goeie toestand.
Roy het twee aande op Oudtshoorn gerus waarna hy en sy gevolg Woensdag na Worcester vertrek het. Sy doel is om R1 miljoen in te samel.
Enige persone wat Roy wil borg op sy staptog of wil bydra tot hierdie projek, kan Famsa by 033 342 4945 of Pacsa by 033 342 0052 skakel.
Roy kan ook by 084 797 4079 geskakel word.
Roy Brown en sy agt maande oue seun (Roy junior). Foto: Wyndham Ewerts
'Ons bring jou die nuutste Oudtshoorn, Klein Karoo nuus'
