OUDTSHOORN NUUS - Hy kan nie sien hoe 'n ander hof tot 'n ander bevinding kan kom nie.
So het streeklanddros Kenneth Peters van Kaapstad, Vrydagoggend hier in die streekhof gesê in die aansoek van die bestuurder van die Interkaap-bus wat in Mei verlede jaar op die George-pad aan die onderpunt van die gevaarlike Perdeskoendraai omgeslaan het. Tien mense het in die ongeluk gesterf.
Peters het die 25-jarige Gaurdner Govere, 'n Zimbabwiese burger, se aansoek om teen sy skuldigbevinding en vonnis te appelleer van die hand gewys.
Govere is in Junie vanjaar skuldig bevind op tien klagtes van strafbare manslag en twee van onwettige immigrasie en deur Peters tot vier jaar gevangenisstraf gevonnis.
Sy aansoek om teen die skuldigbevinding te appelleer is Vrydag deur die staatsaanklaer, adv. Michelle Weyers, teengestaan.
Volgens sy regsverteenwoordiger, Eugene Roos, meen Govere dat hy verkeerdelik skuldig bevind en gevonnis is.
Peters het die aansoek egter van die hand gewys omdat hy van mening is dat Govere 'n regverdige verhoor gehad het en die skuldigbevinding korrek was.
Klik hier vir vorige artikels:
- 4 jaar vir Interkaap-busbestuurder
- Opvolg: Interkaap-busongeluk
- Busongeluk-saak nader einde
- Govere se verhoor gaan voort
- Intercape-busongeluk: Saak uitgestel
- Opvolg: Busbestuurder se verhoor begin
- Busbestuurder se verhoor begin
- Opvolg: Interkaap-busongeluk
- Opvolg: Interkaap-busongeluk
- Busongeluk-oorledenes bekend gemaak
- Busongeluk-slagoffers: Name bekend gemaak
- Busbestuurder in hof na 10 sterf
- Opvolg: 11 passasiers sterf in busongeluk
- Opvolg: 11 sterf in gru-busongeluk
- Tragiese busongeluk: Intercape reageer
- 11 dood in tragiese busongeluk
Die ongelukstoneel. Foto: Hannes Visser.
'Ons bring jou die nuutste Oudtshoorn, Klein-Karoo nuus'
