OUDTSHOORN NUUS - Lindenkoor, die jeugkoor van Hoërskool Linden in Johannesburg, tree vanaand by die NG Moerderkerk in Oudtshoorn op.
Dit sal hulle laaste optrede wees voor hulle terug gaan huis toe.
Die koor sing nie net gewyde musiek nie en 'n aantal liedere uit hul ligte musiek repertorium sal na afloop van die erediens uitgevoer word.
Dan kan gunstelinge uit bekende musiekblyspele soos Les Mirabeles, Afrikaanse volksliedjies en ballades en selfs Bohemian Rhapsody verwag word!
Tans bestaan Lindenkoor uit 100 lede, waarvan meer as die helfte seuns is. Hul staan onder die bekwame leiding van Duncan Fourie en word deur Gert Potgieter begelei.
Oor die afgelope 22 jaar het die koor vele gesogte nasionale en provinsiale pryse gewen en ook in die buiteland hul staal gewys. Verlede jaar was hul die enigste koor wat tot in die eindronde van die Nasionale Eisteddfod Vereniging gevorder het.
In 2012 en 2007 het Lindenkoor goue en silwermedaljes verower in internasionale kompetisies in Preveza, Griekeland en Praag, Tsjeggiese Republiek.
Hul musiektalent was ook al op televisieprogramme soos Geraas, Villa Rosa en die gewilde joernaalprogram, Pasella te sien.
Die koor het ook al vyftien CD's opgeneem.
Die vertoning begin om 18:00 en kaartjies kos R20 elk.
Die Lindenkoor kan op Maandag 29 Junie in George gehoor word.
'Ons bring jou die nuutste Oudtshoorn, Klein-Karoo nuus'
