OUDTSHOORN NUUS - Met teenstand vanuit die Oudtshoorn-raad-saal se galery en opposisie partye is die 2017/2018 Oudtshoorn munisipale begroting met 'n meerderheid DA stemme bekragtig.
Die ANC, Icosa en Sarco het teen die begroting gestem, met die EFF wat buite stemming gebly het. In die 25 setel-raad was die DA se 14 stemme genoeg om diensteverho-gings wat elektrisiteit - 3,88% (onderheuwig aan Nersa se goedkeuring), water - Wissel van 6,8% tot 11,4%, riooldienste - 10,4% en vullisverwydering - 10,4%, inwerking te stel.
Die totale kapitale begroting beloop net meer as R37, 235 miljoen, met n operasionele begroting van R663,07 miljoen.
Burgemeester Colan Sylvester het in sy begrotingsrede gesê: "Hierdie is die eerste begroting opgestel deur die DA-beheerde raad (na die 3 Augustus verkiesing). Ons is definitief besig om 'n nuwe era van skoon regering en omsigtige finansiële bestuur binne te gaan."
Hy het bygevoeg dat die begroting onder baie moeilike omstandighede opgestel is, "waar die munisipaliteit op 'n daaglikse basis veg vir oorlewing as gevolg van skuld wat geërf is."
Sylvester het egter die gemeenskap die versekering gegee dat hulle geregtig is op hoë kwaliteit dienslewering.
"Met dit tot ons beskikking en die nuwe begroting, word ons in staat gestel om te fokus op die lewering van hierdie dienste, volgens die mandaat van die munisipaliteit, soos in die land se grondwet uiteengesit."
Met die R37,235 kapitale begroting, sê Sylvester die fokus sal val op waterinfrastruktuur (R9,07 miljoen), elektrisiteit (R6,83 miljoen), sanitasie ((R2,19 miljoen), vullisverwydering (R3,95 miljoen), Paaie-infrastruktuur (R5,01 miljoen) en sport en rekreasie (R7,52 miljoen).
Nasionale regering se bydrae tot die kapitale begroting is R29,88 miljoen, terwyl die Oudts-hoorn-munisipaliteit verantwoordelik is vir R7,349 miljoen van dié begroting.
"R3 miljoen is bewillig vir herstelwerk en onderhoud aan munisipale infrastruktuur, om te keer dat dit verder verval."
'n Finansierings 'wenslys' is ook aan die raad voorgelê.
- Onderbegrote projekte
- Swembadopgradering - R500 000
- BMX-fietsrybaan - R1 miljoen
- Opelugsportfasiliteit - R4 miljoen
- Herwinningsprojekte - R3 miljoen
- Projekte waarvoor niks begroot is nie
- Watersuiweringsaanleg - R120 miljoen
- Agri park - R50 miljoen
- Agri projekte - R5 miljoen
- Fietsrybaan - R50 miljoen
- Gemeenskapsentrums - R10 miljoen
- Ander projekte - R180 miljoen
Klik hier vir vorige artikels:
ARTIKEL: CHRISTO VERMAAK, OUDTSHOORN COURANT-JOERNALIS
'Ons bring jou die nuutste Oudtshoorn, Klein Karoo nuus'
