OUDTSHOORN SAKE NUUS - Dit is uiters belangrik om oor die lang termyn jou beleggingstrategie vol te hou, om die duur prys van onttrekking aan die markte op die verkeerde tydstip te vermy.
Die Sanlam Finansiële Adviseurs van Complectus Wealth BlouSter Finansiele Adviesdienste in Oudtshoorn, sê Glacier van Sanlam ondersteun belegging vir die lang termyn, omdat navorsing duidelik toon dat reële bateklasse soos aandele kontant in die meeste scenario’s oortref oor die lang termyn.
Ons weet dit is prakties onmoontlik om tydsberekening op die mark toe te pas, en dit kan ’n mens duur te staan kom as jy die tyd verkeerd het. Dit is ongelukkig duidelik, en weer eens heel logies as die menslike aard in ag geneem word, dat baie beleggers in onseker tye soos nou op die kort termyn begin fokus en emosionele besluite neem.
Hulle verduidelik dat Glacier van Sanlam gewoonlik sien hoe talle beleggers gaan skuiling soek in vasterente-beleggings met laer opbrengste, maar die gevaar onderskat van ontoereikende reële opbrengste (na belasting en inflasie). Groeibateklasse het bewys dat hulle oor die lang termyn aantreklike opbrengste bo inflasie lewer, maar weens die gepaardgaande onbestendigheid en potensiële kapitaalverlies oor die kort-termyn is dit ’n moeilike keuse vir senuagtige beleggers.
Beleggingsopsies soos Glacier se KapitaalVersterker, wat onlangs bekend gestel is, kan sekerheid sowel as aantrek¬like opbrengste vir beleggers verskaf.
Diversifiseer in die buiteland – sonder die valutarisiko
Glacier sê met die ontwerp van die Glacier KapitaalVersterker wou hulle aan beleggers die geleentheid gee om in aandele te belê, maar sonder die tipiese onbestendigheid en potensiële risiko van kapitaalverlies wat met hierdie bateklas geassosieer word. Met die oog op die minimum beleggingshorison van vyf jaar vir aandelebeleggings, het Glacier ook die KapitaalVersterker met ’n vyfjaar-termyn ontwerp.
Die KapitaalVersterker bied blootstelling aan ’n portefeulje prima aandele in Europa en die VK, deur middel van die Euro Stoxx 50 Indeks en die FTSE 100 Indeks. Dit gee beleggers die geleentheid om hul blootstelling weg van plaaslike markte – waar onsekerheid en risiko hoog is – te diversifiseer, in ontwikkelde aandele-markte wat goeie waarde en groei-vooruitsigte bied.
Aandeleblootstelling sonder die daalrisiko
Met KapitaalVersterker hoef beleggers nie oor markregstellings bekommerd te wees nie, aangesien hul bruto beleggings-bedrae beskerm word. Voorts sal beleg¬gers voordeel trek uit die belasting doeltreffendheid van die beleggings, asook beter prestasie in ’n omgewing van lae opbrengste.
Kontak Complectus Wealth BlouSter Finansiële Adviesdienste by 044 203 2014 of jacquess@sanlam4u.co.za vir kundige advise.
Sanlam is ’n Gelisensieërde Verskaffer van Finansiële Dienste.
'Ons bring jou die nuutste Oudtshoorn, Klein Karoo nuus'
