Sponsored Content
SAKENUUS - Wat in 2006 as ’n klein onderneming met slegs twee werknemers begin het, het oor die afgelope 20 jaar ontwikkel tot ProWorx - ’n gevestigde naam in die naambord-, druk- en handelsmerkbedryf in Oudtshoorn.
Vir eienaar Charl Meyer was die oorgang van die polisiediens na die sakewêreld die begin van ’n nuwe hoofstuk.
Hy het aanvanklik rekenaars herstel en kraggereedskap gediens, voordat hy die onderneming se fokus uitgebrei het na die vervaardiging van advertensieborde en ander bemarkingsprodukte.
Groei wat geen grense ken
Vandag beskik ProWorx oor ’n span van agt werknemers en bied dit ’n omvattende reeks dienste, waaronder naamborde, baniere, vinielplakkers, stempels, gazebo’s, etiketontwerp, lasersnywerk en verskeie handelsmerkoplossings.
Volgens Meyer is die onderneming se groei gegrond op drie kernwaardes: uitstekende diens, mededingende pryse en gehalteprodukte. Hy skryf die besigheid se sukses toe aan harde werk, lojale kliënte, ’n toegewyde span en God se genade.
Hoewel ProWorx in Oudtshoorn gevestig is, strek sy diensgebied oor die hele Suid-Kaap en selfs verder.
Meyer sê die onderneming plaas groot waarde op langtermynverhoudings met kliënte en die ondersteuning van die plaaslike gemeenskap.
“Ons is trots om deel van Oudtshoorn se groei te wees en wil voortgaan om waarde aan ons kliënte en die gemeenskap te bied,” sê hy.
‘Ons bring jou die nuutste Tuinroete, Hessequa, Karoo nuus’
